काठमाडौँ– फिफा विश्वकप २०२६ को एशियाली छनोटअन्तर्गत बिहीबार राति भएको खेलमा नेपाल पराजित भएको छ। साउदी अरबको प्रिन्स मोहम्मद विन रंगशालामा भएको खेलमा युएईसँग नेपाल ४-० ले पराजित भएको हो।
यूएईले खेलको पहिलो हाफमा २ तथा दोस्रो हाफमा थप २ गोल गरेको थियो। यूएईका लागि हरिब अब्दुल्लाह अल्मुसरखले २ गोल गरे । अली सलेह अम्रो र हाजिम अब्बासले समान १–१ गोल गरे।
यससँगै ५ जितका साथ यूएई १५ अंकसहित समूह ‘एच’को शीर्ष स्थानमा छ। ५ हार बेहोरेको नेपाल भने अंकविहीन छ। नेपालले अन्तिम खेल यही जेठ २९ गते यमनसँग खेल्नेछ।