रिभल्बरसहित एक जना पक्राउ

काठमाडौँ– प्रहरीले एक थान रिभल्बरसहित एक जनालाई पक्राउ गरेको छ। 

केन्द्रीय प्रहरी प्रवक्ता एवं प्रहरी नायब महानिरीक्षक अबिनारायण काफ्लेका अनुसार पक्राउ पर्नेमा मकवानपुर मनहरी गाउँपालिका–५ का ३० वर्षीय सन्तोष गुरुङ रहेका छन्। उनी हाल काठमाडौँ महानगरपालिका–१३ सोल्टीमोड बस्दै आएका थिए।

प्रहरी वृत्त कालीमाटीबाट खटिएको प्रहरीले सन्तोषलाई रिभल्बरसहित फेला पारी पक्राउ गरेको हो। यस सम्बन्धमा आवश्यक अनुसन्धान भइरहेको प्रहरीले जनाएको छ।