साँगा–धुलिखेल सडक: पुलबजार खण्डमा स्तरोन्नति हुँदै

काभ्रेपलान्चोक– अरनिको राजमार्गअन्तर्गत सूर्यविनायक–धुलिखेल खण्डको पलुबजार क्षेत्रमा स्तरोन्नति शुरू भएको छ। 

सूर्यविनायक–धुलिखेल सडकअन्तर्गत साँगा–धुलिखेलखण्ड विस्तारका क्रममा पुलबजार क्षेत्रमा मध्यविन्दुलाई लिएर सडक किनारका जग्गाधनीले काम हुन नदिएपछि डेढ वर्षदेखि स्तरोन्नति रोकिएको थियो।

सूर्यविनायक–धुलिखेल सडक आयोजनाका प्रमुख विजयकुमार महतोका अनुसार साँगा–धुलिखेल खण्डमा ६० र सूर्यविनायक–साँगा खण्डमा ४५ प्रतिशत काम पूरा भएको छ। यो खण्डमा ६ घर भत्काउन बाँकी छ।