पेप्सीकोला–काँडाघारी सडकमा बसको ठक्करबाट १ जनाको मृत्यु, ६ घाइते

काठमाडौँ– काठमाडौँको पेप्सीकोला–काँडाघारी सडकखण्डमा बसको ठक्करबाट एक जनाको मृत्यु भएको छ। 

अरू छ जना घाइते भएको काठमाडौँ उपत्यका ट्राफिक प्रहरी कार्यालयका प्रवक्ता एससपी राजेन्द्रप्रसाद भट्टले जानकारी दिए। 

आइतबार बिहान आठ बजेतिर बसले जिप, मोटरसाइकल र स्कुटरलाई ठक्कर दिँदा दुर्घटना भएको हो। दुर्घटनामा ७ जना घाइते भएका थिए। 

घाइतेमध्ये मोटरसाइकल चालकको मृत्यु भएको एसएसपी भट्टले बताए। उनका अनुसार अरू दुई जना घाइतेको अवस्था गम्भीर छ। 

उनीहरूको निजामती कर्मचारी अस्पताल र मदरल्यान्ड अस्पतालमा उपचार भइरहेको छ।