पूर्वी चीनमा भीषण आँधी, ५ जनाको मृत्यु

पूर्वी चीनको जियाङ्सु प्रान्तमा आँधीका कारण पाँच जनाको मृत्यु भएको छ। चार जना गम्भीर घाइते भएका छन्। 

स्थानीय अधिकारीहरूका अनुसार मंगलबार आएको आँधीका कारण भएको क्षतिको थप विवरण संकलन भइरहेको छ। सुकियान शहरको ड्याक्सिङ र नानकाई टाउनसिपमा साँझ पाँच बजेपछि आँधी आएको थियो। 

प्रारम्भिक विवरणअनुसार आँधीबाट पाँच हजार ५१२ जना प्रभावित भएका छन् भने एक हजार ६४६ घरमा क्षति भएको छ। आँधीले ४२  हेक्टरमा लगाइएको बालीमा क्षति भएको छ। आँधीबाट ४०५ जना विस्थापित भएका छन्। 

नहरको आपत्कालीन व्यवस्थापन विभागले उनीहरूलाई सहायता सामग्री प्रदान गरेको समाचार संस्था सिन्ह्वाले जनाएको छ।