नेप्से परिसूचक १८.४५ अंकले बढ्याे, २ अर्ब ९ कराेडकाे काराेबार

काठमाडाैँ– शेयर कारोबार मापक नेप्से परिसूचक साताकाे तेस्राे दिन बढेकाे छ। आइतबार र साेमबार घटेकाे नेप्से मंगलबार १८.४५ अंकले बढेर २०२२.९१ बिन्दुमा पुगेकाे छ।

होटल र पर्यटनबाहेक अरू सबै समूहको शेयरबढेको छ। जलविद्युत् समूहको उच्च अंकले उकालो लागेको छ।

बजार बढेको दिन मेन्छियाम र मनकामना इन्जिनियरिङ हाइड्राेपावरकाे शेयर १० प्रतिशतले बढेकाे छ। यस्तै, शुभम् पावर, मोलुङ हाइड्रोपावर, स्वाभिमान लघुवित्त र घलेम्दी हाइड्राे कम्पनीको शेयर ९ प्रतिशत भन्दा धेरैले बढेको छ। समग्रमा बजार बढेको दिन सबैभन्दा धेरै हिमालयन लघुवित्त र थ्री स्टार हाइड्रोको शेयर साढे ५ प्रतिशतभन्दा धेरैले घटेको छ।

मंगलबार ८७ लाख ४ हजार कित्ता शेयर २ अर्ब ९ करोड ३८ लाख रुपैयाँमा कारोबार भएका छन्। सबैभन्दा धेरै एनआईसी एसिया बैंकको ८ करोड ३४ लाख रुपैयाँको शेयर किनबेच भएको छ।