लगातार ओरालो लाग्दै सुनको मूल्य

काठमाडौँ– नेपाली बजारमा सुनको मूल्य लगातार ओरालो लागिरहेको छ। 

नेपाल सुनचाँदी व्यवसायी महासंघका अनुसार सोमबार पनि छापावाल सुन तोलामा एक सय रुपैयाँले घटेर १ लाख ७ हजार ९ सय रुपैयाँ कायम रहेकोे छ। तेजाबी सुन प्रतितोला १ लाख ७ हजार ४ सय रुपैयाँमा कारोबार भइरहेको छ।

एक हप्तादेखि सुनकाे मूल्य लगातार ओरालाे लाग्दै आएकाे छ। आइतबार मात्रै तोलामा आठ सय रुपैयाँले घटेर १ लाख ८ हजार रुपैयाँमा कारोबार भएको थियो। यस्तै गएकाे शुक्रबार ताेलामा ८ सय रुपैयाँ, बिहीबार १४ सय रुपैयाँ र बुधबार ८ सय रुपैयाँका दरले घटेकाे थियाे। गएकाे मंगलबार पनि सुनकाे भाउ ४ सय रुपैयाँले घटेकाे थियाे।

त्यसैगरी, चाँदीकाे भाउ पनि घटिरहेकाे छ। सोमबार चाँदी तोलामा २० रुपैयाँले घटेर १ हजार ३४० रुपैयाँ कायम रहेको छ।