नेप्से ६.५९ अंकले घट्यो, १ अर्ब २ करोडको कारोबार

काठमाडौं– मंगलबार नेप्से परिसूचक समान्य अंकले घटेको छ। सोमबार २१.२९ अंक बढेको नेप्से परिसूचक मंगलबार ६.५९ अंकले घटेर १८९७.८६ बिन्दुमा झरेको हो।  त्यस्तै, सेन्सेटिभ इन्डेक्स १.३३ अंकले घटेको छ भने फ्लोट इन्डेक्स ०.३१ अंक र सेन्सेटिभ इन्डेक्स ०.४० अंकले घटेको छ। मंगलबार कारोबारमा आएका २२९ कम्पनीको २७ लाख ४५ हजार कित्ता सेयर १ अर्ब २ करोड ३६ लाख रुपैयाँबराबरको खरिदबिक्री भएको छ। नेप्से परिसूचक घटे पनि कारोबार भने बढेको छ। सोमबार ९४ करोड बराबरको सेयर कारोबार भएको थियो।  नेप्सेका १३ उपसमूहमध्ये ३ उपसमूहको परिसूचक बढेको छ भने बाँकी १० उपसमूहको परिसूचक घटेको छ। जसमा व्यापार, निर्जीवन बीमा र बैंकिङ उपसमूहको परिसूचक बढेको छ भने यता उत्पादन तथा प्रशोधन, वित्त उपसमूहको परिसूचक घटेको छ। मंगलबार सिटिजन्स म्युचुअल फन्ड १ को इकाइमूल्य ४.५८ प्रतिशत बढेको छ। अन्य स्टकको वृद्धिदर भने ३ प्रतिशतभन्दा कम रहेको छ।  तारागाउँ रिजेन्सी होटलको सेयरमूल्य ८.५६ प्रतिशत घटेको छ। कारोबार रकमका आधारमा मंगलबार हिमालयन डिष्टिलरीको ८ करोड २२ लाख रुपैयाँभन्दा बढीको सेयर खरिदबिक्री भएको छ। 

उकालो