कस्तो रहनेछ बुधबारको मौसम?

काठमाडौँ– नेपालको पूर्वी तथा मध्य भागमा मनसुनी वायुको आंशिक प्रभाव रहेको छ। 

जसको प्रभावले देशका पहाडी भूभागमा आंशिक बदली रही बाँकी स्थानको मौसम सामान्यतया सफा रहेको छ। साथै, कोशी र मधेशका एक–दुई स्थानमा हल्का वर्षा भइरहेको मौसम पूर्वानुमान महाशाखाले जनाएको छ। 

दिउँसो कोशी, मधेश बागमती र गण्डकीका आंशिकदेखि सामान्य बदली रहनेछ। कोशी, बागमती, गण्डकी, मधेश र लुम्बिनीका एक–दुई स्थानमा मेघगर्जन र चट्याङसहित हल्का वर्षा हुनेछ। 

यसैगरी, राति कोशी, मधेश, बागमती र गण्डकीमा आंशिक बदली रही बाँकी प्रदेशको मौसम सामान्यतया सफा रहनेछ। कोशी, मधेश र बागमतीका केही स्थानमा हल्का वर्षा हुने महाशाखाले जनाएको छ।