कांग्रेस एकजुट भए कसैले परास्त गर्न सक्दैन: शशांक कोइराला

काठमाडौँ– नेपाली कांग्रेसका नेता डा. शशांक कोइरालाले कांग्रेसीहरू एकजुट भए अन्य जुनसुकै दलहरू मिले पनि परास्त गर्न नसक्ने बताएका छन्। शुक्रबार ‘राजनीतिक उपलब्धि र आजको चुनौती’ विषयक विचार गोष्ठीमा बोल्दै उनले कांग्रेस एकजुट हुनुपर्ने धारणा राखेका हुन्।

कांग्रेसमा धेरै चुनौती भएको र त्योमध्ये कांग्रेसभित्रको गुट विभाजन एक रहेकोतर्फ संकेत गन्दै उनले भने, “हामी एकजुट भयौँ भने जतिसुकै अरू दलहरू मिलून् हामीलाई परास्त गर्न सक्दैनन्। यो म ठोकेर तपाईंहरूलाई भन्न चाहन्छु।”

उनले कांग्रेस एकजुट हुनैपर्ने र एकताबद्ध भएर पार्टी र देशको चुनौतीको सामना गर्दै राम्रो कार्य गर्ने प्रयास गर्नुपर्नेमा जोड दिए।