उपप्रधानमन्त्री श्रेष्ठ डिस्चार्ज, बुधबार स्वदेश फर्किने

चीनमा रहेका उपप्रधानमन्त्री श्रेष्ठलाई कात्तिक १ गते हृदयाघात भएको थियो।

उकालो

सोमबार, ६ कात्तिक, २०८०

उपप्रधानमन्त्री श्रेष्ठ डिस्चार्ज, बुधबार स्वदेश फर्किने

काठमाडौँ– चीन भ्रमणका क्रममा हृदयाघात भएपछि उपचाररत उपप्रधान एवं गृहमन्त्री नारायणकाजी श्रेष्ठ अस्पतालबाट डिस्चार्ज भएका छन्।

बेइजिङस्थित पेकिङ युनियन मेडिकल कलेज हस्पिलटमा पाँच दिनको उपचारपश्चात् डिस्चार्ज भएको उनको सचिवालयले जनाएको छ। 

तेस्रो बेल्ट एन्ड रोड फोरम फर इन्टरनेसनल कोअपरेसन (बीएफआर) मा सहभागी हुन बेइजिङ पुगेका श्रेष्ठलाई कात्तिक १ गते हृदयाघात भएको थियो। उनको छातीमा ‘स्टेन्ट’ राखिएको छ।

अस्पतालबाट डिस्चार्ज हुने क्रममा उपप्रधानमन्त्री श्रेष्ठले आफ्नो उपचारमा संलग्न चिकित्सक, अस्पताल परिवार र बेइजिङस्थित नेपाली दूतावासप्रति आभार प्रकट गरेका छन्। 

उपप्रधानमन्त्री श्रेष्ठ कात्तिक ८ गते स्वदेश फर्कने कार्यक्रम रहेको उनको सचिवालयले जनाएको छ।

प्रतिक्रिया दिनुहोस !