मकवानपुरमा भारतीय तीर्थयात्री बोकेको गाडी दुर्घटना: १३ जना घाइते

घाइते सबै भारतीय तीर्थयात्री रहेको र उपचारका लागि काठमाडौँ पठाइएको प्रहरीले जनाएको छ।

उकालो

मंगलबार, ७ कात्तिक, २०८०

मकवानपुरमा भारतीय तीर्थयात्री बोकेको गाडी दुर्घटना: १३ जना घाइते

मकवानपुर– भारतबाट नेपाल घुम्न आएका १३ तीर्थयात्री मकवानपुरमा दुर्घटनामा परी घाइते भएका छन्।

इन्द्रसरोबार गाउँपालिका–५ मकैबारीस्थित कुलेखानी– मातातीर्थ सडकखण्डमा मंगलबार बिहान वीरगन्जबाट काठमाडौँतर्फ जाँदै गरेको गाडी अनियन्त्रित भई दुर्घटना भएको मकवानपुरका डीएसपी लक्ष्मी भण्डारीले बताए। 

गाडी सडकबाट अन्दाजी २० मिटर तल खोल्सामा खसेको र चालक बारा कलैयाका अनिलकुमार शाहलाई पक्राउ गरिएको उनले बताए। 

घाइते सबै भारतीय तीर्थयात्री रहेको र उपचारका लागि काठमाडौँ पठाइएको प्रहरीले जनाएको छ।

प्रतिक्रिया दिनुहोस !