विषाक्त धुवाँका कारण नयाँदिल्लीका विद्यालय बन्द

विषाक्त धुवाँका कारण भारतको राजधानी नयाँदिल्लीमा शुक्रबार विद्यालय बन्द गरिएको छ।

विषाक्त धुवाँले नयाँदिल्लीका तीन करोड बासिन्दाको जीवन कष्टपूर्ण बनेको छ। 

किसानले जलाएको परालको धुवाँ, सवारी साधनबाट निस्कने धुवाँ र कारखानाको उत्सर्जनले हरेक जाडोयाममा राजधानी नयाँदिल्लीलाई घातक धुवाँले ढाक्ने गरेको छ। 

अनुगमन गर्ने संस्था आईक्यूएयरका अनुसार शुक्रबार सबैभन्दा खतरनाक पीएम २.५ कणहरूको स्तर विश्व स्वास्थ्य संगठनले सिफारिस गरेकोभन्दा दैनिक ३५ गुणा अधिक थियो। पीएम २.५ कण रक्त प्रवाहमा प्रवेश गर्नसक्ने अति सानो कण हो।

नयाँदिल्लीका मुख्यमन्त्री अरविन्द केजरीवालले बिहीबार राजधानीका सबै प्राथमिक विद्यालय कम्तीमा दुई दिनका लागि बन्द रहने घोषणा गरेका थिए।