भूकम्प अपडेट: १३३ जनाको मृत्यु, १८५ घाइते

काठमाडौँ– भूकम्पका कारण जाजरकोट र रुकुम पश्चिममा गरी १३३ जनाको मृत्यु भएको छ। दुवै जिल्लामा गरी १८५ जना घाइते भएका छन्। 

सशस्त्र प्रहरी बल केन्द्रीय कार्यालयका प्रहरी नायव उपरीक्षक शैलेन्द्र थापाका अनुसार भूकम्पका कारण जाजरकोटमा ९५ जनाको तथा रुकुम पश्चिममा ३८ जनाको मृत्यु भएको छ। घाइतेलाई उपचारका लागि नेपाली सेनाको हेलिकप्टरबाट नेपालगन्ज तथा अन्य ठाउँमा लैजाने क्रम जारी छ। 

नेपाली सेना, नेपाल प्रहरी, सशस्त्र प्रहरी बल तथा स्थानीय भूकम्प प्रभावितको उद्धार तथा राहतमा जुटेका छन्।

प्रभावित क्षेत्रमा एक हजार ५०० भन्दा बढी सुरक्षाकर्मी परिचालन गरिएको छ।