ढोरपाटनमा ट्याक्सी दुर्घटना, २ जनाको मृत्यु

दुर्घटनामा ढोरपाटन–२ पाखुटेका होमबहादुर पुन र बडिगाड–६ छिसफाँटका अस्विन परियारको मृत्यु भएको छ।

उकालो

मंगलबार, २१ कात्तिक, २०८०

ढोरपाटनमा ट्याक्सी दुर्घटना, २ जनाको मृत्यु

काठमाडौँ– बागलुङको ढोरपाटनमा ट्याक्सी दुर्घटना हुँदा दुई जनाको मृत्यु भएको छ। 

बडिगाड गाउँपालिकाबाट ढोरपाटन नगरपालिकातर्फ जाँदै गरेको ध१ज ९९४ नम्बरको ट्याक्सी गए राति मध्यपहाडी लोकमार्गस्थित ढोरपाटन–२ मलकटिबाङमा दुर्घटना भएको हो ।

दुर्घटनामा ट्याक्सीमा सवार ढोरपाटन नगरपालिका–२ पाखुटेका २८ वर्षीय होमबहादुर पुन र बडिगाड–६ छिसफाँटका ३२ वर्षीय अस्विन परियारको मृत्यु भएको बागलुङका डीएसपी मदन केसीले जानकारी दिए।

ट्याक्सी सडकबाट १०० करिब मिटर तल खसेको छ। दुवै जनाको घटनास्थलमै मृत्यु भएको केसीले बताए। 

प्रतिक्रिया दिनुहोस !