वीरगन्जमा नक्कली मतपत्र र स्वस्तिक छापसहित दुईजना पक्राउ

वीरगन्ज– वीरगन्जबाट नक्कली मतपत्र, स्वस्तिक छाप र नगदसहित दुईजना पक्राउ परेका छन्।

बाराको कलैयाबाट वीरगन्ज आउँदै गरेको कार चेकचाँजका कलैया– १८ का कार चालक अमिरी राउत र कारमा सवार वीरगन्ज–१६ इनर्वाका राजन सिंह पक्राउ परेका हुन्। 

उनीहरूकाे साथबाट नेपाल र सशस्त्र प्रहरीको संयुक्त गस्ती टोलीले १० हजार नक्कली मतपत्र, २५० थान स्वस्तिक छाप ४८ थान स्टयाम्प प्याड र दुई लाख ७२ हजार रुपैयाँ नगद बरामद गरेको छ। ३ सय वटा नक्कली मतपत्रमा साइकल छापमा संकेत लगाएको जिल्ला प्रहरी कार्यालय पर्साका एसपी रमेश बस्नेत बताए।

त्यो नक्कली मतपत्र लोकतान्त्रिक समाजवादी पार्टीको हुन सक्ने प्रहरीको अनुमान छ।