जाजरकोट केन्द्रबिन्दु भएर पुनः भूकम्पको धक्का

काठमाडौँ– जाजरकोट केन्द्रबिन्दु भएर बिहीबार बिहान पनि भूकम्पको धक्का महसुस गरिएको छ। 

बिहान ३:०६ बजे ४.२ म्याग्निच्युडको धक्का मापन गरिएको राष्ट्रिय भूकम्प मापन केन्द्रले जनाएको छ। गत शुक्रबार राति जाजरकोटको रामीडाँडा केन्द्रबिन्दु भएर ६.४ म्याग्निच्युडको भूकम्प गएको थियो। त्यसयता निरन्तर परकम्पहरू भइरहेका छन्। 

शुक्रबार गएको भूकम्पबाट जाजरकोट र रुकुम पश्चिममा १५३ जनाले ज्यान गुमाएका थिए।