जुवा खेलिरहेका १७ जना काठमाडौँको साँखुबाट पक्राउ

काठमाडौँ– जिल्ला प्रहरी परिषर काठमाडौँ मातहतको स्वयम्भू र साँखुबाट खटिएको प्रहरी टोलीले जुवा खेलिरहेका व्यक्तिलाई पक्राउ गरेको छ। 

प्रहरी वृत्त स्वयम्भूले त्यस क्षेत्रको जुवा खालबाट मंगलबार चार लाख तथा कौडा र ताससहित उनीहरूलाई पक्राउ गरेको हो। 

जिल्ला प्रहरी परिसर काठमाडौँका प्रवक्ता कुमोध ढुङगानाका अनुसार साँखु प्रहरी प्रभावबाट खटिएको टोलीले संखरापुर नगरपालिका–१ नाङलेभारेको दुई ठाउँबाट १७ जनालाई नियन्त्रणमा लिई कारबाही अघि बढाइएको छ। उनीहरूको साथबाट एक लाख १७ हजार नगद बरामद भएको उनले बताए। 

यसैबीच, तिहार लक्षित सुरक्षा योजनाअनुरूप मादक पदार्थ सेवनका कारण हुनसक्ने दुर्घटना कम गर्न पूर्वनिर्धारित कार्ययोजना अनुरूप जाँच भइरहेको उपत्यका ट्राफिक प्रहरी कार्यालयका प्रवक्ता राजेन्द्रप्रसाद भट्टले जानकारी दिए।