कस्तो रहनेछ बुधबारको मौसम?

काठमाडौँ– देशमा पश्चिमी वायुको आंशिक प्रभाव रहेको छ। पहाडी भूभागमा आंशिक बदली रही बाँकी स्थानको मौसम सामान्यतया सफा रहेको छ। 

दिउँसो कोशी, बागमती, गण्डकी र लुम्बिनीका पहाडी भूभागमा आंशिक बदली रहनेछ। देशका बाँकी स्थानको मौसम सामान्यतया सफा नै रहने मौसम पूर्वानुमान महाशाखाले जनाएको छ। 

कोशी, बागमती र गण्डकीको उच्च पहाडी तथा हिमाली भूभागमा हल्का हिमपातको सम्भावना छ। राति कोशी, बागमती, गण्डकी र लुम्बिनीमा आंशिक बदली रही बाँकी स्थानको मौसम सामान्यतया सफा रहनेछ।

साथै, देशभरको तापक्रम घट्दो क्रममा रहेकाले चिसोबाट बच्न सतर्कता अपनाउन महाशाखाले अनुरोध गरेको छ।