प्रतितोला ६०० रुपैयाँले बढ्यो सुनको मूल्य

काठमाडौँ– नेपाली बजारमा आइतबार सुनचाँदीको मूल्य बढेको छ। 

शुक्रबार प्रतितोला एक लाख १६ हजार ३०० रुपैयाँमा कारोबार भएको सुन आइतबार एक लाख १६ हजार ९०० रुपैयाँ तोकिएको छ।

नेपाल सुनचाँदी व्यवसायी महासंघका अनुसार तेजाबी सुनको मूल्यसमेत प्रतितोला ६ सय रुपैयाँले बढेको छ। तेजाबी सुन आइतबार एक लाख १६ हजार ३५० रुपैयाँमा कारोबार भइरहेको छ। 

यस्तै, आइतबार चाँदीको मूल्य पनि बढेको छ। चाँदी प्रतितोला ३५ रुपैयाँले बढेर एक हजार ४८५ पुगेको महासंघले जनाएको छ।