पूर्वमन्त्री किरण गुरुङले गरे मतदान

काठमाडौँ– पूर्वमन्त्री एवम् तनहुँ निर्वाचन क्षेत्र नं. २ का उम्मेदवार किरण गुरुङले मतदान गरेका छन्। उनले भिमाद नगरपालिका–९ चिहानडाडाँमा अवस्थित भिमाद सामुदायिक भवनबाट मतदान गरेका हुन्। 

त्यस्तै, तनहुँ निर्वाचन क्षेत्र नं. २ प्रदेश (ख) का उम्मेदवार केदार सिग्देलले भिमाद–१, पोखराभञ्ज्याङस्थित पृथ्वी मावि केन्द्रबाट मतदान गरेका छन्। 

तनहुँ निर्वाचन क्षेत्र नं. २ प्रदेश (क) का उम्मेदवार श्यामराजा महतले वडा नं. ९ ढोरबराहस्थित हिमाल आधारभूत विद्यालयबाट मतदान गरेका छन्।