तनहुँको घिरिङमा मतदान शुरू

काठमाडौँ– प्रहरीले पक्राउ गरेका एमाले कार्यकर्तालाई रिहा गर्ने सहमतिपछि तनहुँको घिरिङ–१ स्थित कृष्ण मावि केन्द्रमा मतदान शुरू भएको छ। 

शनिबार बेलुका कांग्रेस र एमाले कार्यकर्ताबीच झडप भएपछि प्रहरीले दुई एमाले कार्यकर्तालाई पक्राउ गरेको थियो। कार्यकर्ता रिहाईको माग गर्दै एमालेले मतदान शुरू गर्न दिएको थिएन।

दुवै पक्षबीच सहमति भएपछि बिहान साढे ९ बजेपछि मतदान शुरू भएको हो।