ट्याक्टर दुर्घटनामा १ जनाको मृत्यु, ३ घाइते

गोरखा– गोरखामा ट्याक्टर दुर्घटना हुँदा एक जनाको मृत्यु भएको छ भने तीन जना घाइते भएका छन्।

शहीद लखन गाउँपालिका–३ स्थित सिलिङदोभान सडकखण्डमा भएको दुर्घटनामा सोही पालिकाका २९ वर्षीय पदमबहादुर थापामगरको मृत्यु भएको हो।

जिल्ला ट्राफिक प्रहरी कार्यालयका अनुसार दुर्घटनामा सोही पालिका–३ का २६ वर्षीय रामबहादुर आलेमगर, तनहुँको आबुखैरेनी गाउँपालिका–३ का २२ वर्षीय प्रदीप अर्याल र गोरखा नगरपालिका–१३ घर भएका ट्याक्टर चालक ३५ वर्षीय विश्वास गुरुङ घाइते भएका हुन्।

उनीहरूको चितवनमा उपचार भइरहेको छ। प्रहरीले घटनाका सम्बन्धमा थप अनुसन्धान भइरहेको जनाएको छ।