मतपेटिकामा आगजनी गरेको आरोपमा एकजना पक्राउ

काठमाडौं– पूर्वी नवलपरासीको झाँक्रेस्थित एक मतदान केन्द्रको मतपेटिकामा आगजनी गरेको आरोपमा एक जना पक्राउ परेका छन्। 

देवचुली नगरपालिका–४ स्थित शान्ति सिर्जना आधारभूत विद्यालयस्थित मतदान केन्द्रमा रहेको प्रदेश समानुपातिकतर्फको मतपेटिकामा आगजनी गरेको आरोपमा स्थानीय नारायण भण्डारीलाई प्रहरीले पक्राउ गरेको हो। 

मतपेटिकामा आगजनी गरेर भागेका उनलाई मतदान केन्द्रबाट करिब २ किलोमिटर टाढाबाट पक्राउ गरेको प्रमुख जिल्ला अधिकारी सुमन घिमिरेले बताए।