तराईमा हुस्सु र कुहिरो, पहाडी भूभागमा आंशिक बदली हुने

काठमाडौँ– नेपालमा पश्चिमी वायुको आंशिक प्रभाव रहेको छ। 

जसको प्रभावले कोशी, बागमती र गण्डकीका पहाडी भूभागमा आंशिक बदली रहेको छ। तराईका केही भूभागमा हुस्सु र कुहिरो लागेको मौसम पूर्वानुमान महाशाखाले जनाएको छ। 

दिउँसो सुदूरपश्चिमसहित देशका पहाडी भूभागमा आंशिक बदली रहनेछ। बाँकी स्थानको मौसम भने सामान्यतया सफा नै रहने महाशाखाको अनुमान छ। 

यसैगरी, राति कर्णाली र सुदूरपश्चिममा आंशिक बदली रही बाँकी स्थानको मौसम सामान्यतया सफा रहनेछ।