यस्तो छ सोमबारको माैसम पूर्वानुमान

काठमाडाैँ– हाल देशका पहाडी भूभागमा आंशिक बदली  रही बाँकी भूभागमा मौसम सामान्यतया सफा रहेको छ।

तराईका थोरै स्थानमा हुस्सु र कुहिरो लागेको छ। जसको प्रभावले तराईको जनजीवन, सडक तथा हवाई यातायातसमेत आंशिक प्रभावित हुन सक्ने भएकाले सतर्कता अपनाउन माैसम पूर्वानुमान महाशाखाले अनुरोध गरेको छ।

महाशाखाका अनुसार सोमबार दिनभर कोशी, मधेश, बागमती, गण्डकी र लुम्बिनी प्रदेशमा आंशिक बदली रही बाँकी भूभागमा मौसम सामान्यतया सफा रहने छ। 

देशभरिको तापक्रम गिराबाट हुन सक्ने असरबाट बच्न आवश्यक सतर्कता अपनाउन महाशाखाले आग्रह गरेको छ। हाल नेपालमा पश्चिमी वायुको आंशिक प्रभाव  रहेको छ।