बारामा बस र ट्रक ठोक्किँदा चालकसहित ३ जनाको मृत्यु, २७ घाइते

दुर्घटनामा ट्रक चालक तनहुँका २८ वर्षीय पूर्ण गुरुङ, बसका चालक हेटौँडाका ४० वर्षीय हरि शमशेर र अर्का एक पुरुषको मृत्यु भएको छ।

उकालो

बुधबार, ४ पुष, २०८०

बारामा बस र ट्रक ठोक्किँदा चालकसहित ३ जनाको मृत्यु, २७ घाइते
प्रतिकात्मक तस्वीर

काठमाडौँ– बारामा बस र ट्रक ठोक्किँदा भएको दुर्घटनामा तीन जनाको मृत्यु भएको छ। २७ जना घाइते भएका छन्। 

झापाको काँकडभिट्टाबाट काठमाडौँ आउँदै गरेको बा ३–००१ ख २५८७ नम्बरको बस र हेटौँडाबाट पथलैयातर्फ जाँदै गरेको ना७ख ७३०० नम्बरको ट्रक बुधबार बिहान अमलेखगन्जमा दुर्घटना भएको प्रहरीले जनाएको छ । 

दुर्घटनामा ट्रक चालक तनहुँका २८ वर्षीय पूर्ण गुरुङ, बसका चालक हेटौँडाका ४० वर्षीय हरि शमशेर र अर्का एक पुरुषको मृत्यु भएको बारा प्रहरी प्रमुख सुरेशप्रसाद काफ्लेले बताए। 

घाइतेको हेटौँडा अस्पताल र पुरानो मेडिकल कलेज चितवनमा उपचार भइरहेको प्रहरीले जनाएको छ। घटनाबारे थप अनुसन्धान भइरहेको उनले बताए।

प्रतिक्रिया दिनुहोस !