इजरायल–हमास युद्ध: गाजामा गुम्यो ६६ प्रतिशत रोजगारी

इजरायल–हमास युद्ध शुरू भएयता गाजामा दुई तिहाइ मानिसले रोजगारी गुमाएको पाइएको छ। 

युद्धमा ६६ प्रतिशत मानिसले रोजगारी गुमाएको अन्तर्राष्ट्रिय श्रम संगठन (आईएलओ) र प्यालेस्टिनी तथ्यांक कार्यालयले सार्वजनिक गरेको तथ्यांकले देखाएको छ। गाजामा अनुसार अक्टोबर ७ देखि युद्ध जारी छ। 

गाजाको रोजगारी बजारमा भएको विनाशकारी हानिले द्वन्द्वअघि नै नाकाबन्दीमा परेको इलाकामा विद्यमान डरलाग्दो अवस्थालाई झन् बढाउने विज्ञले बताएका छन्। 

गाजाका प्यालेस्टिनीले लामो समयदेखि गरिबी, जोखिम र उच्च बेरोजगारी दरको निरन्तर सामना गरिरहेको अन्तर्राष्ट्रिय सञ्चार माध्यमले जनाएका छन्।