सर्वोच्च अदालतका नवनियुक्ति न्यायाधीशले लिए शपथ

काठमाडौँ– सर्वोच्च अदालतका नवनियुक्त न्यायाधीशहरूले पद तथा गोपनीयताको शपथ लिएका छन्।

न्यायाधीशहरू सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिलकुमार पोखरेल र बालकृष्ण ढकाललाई शपथ लिएका हुन्।

राष्ट्रपति कार्यालय शीतलनिवासमा बिहीबार दिउँसो राष्ट्रपति रामचन्द्र पौडेलको उपस्थितिमा प्रधानन्यायाधीश विश्वम्भरप्रसाद श्रेष्ठले उनीहरूलाई शपथ ग्रहण गराएका थिए।

उनीहरूको गत मंसिर २९ तथा यही पुस १ र २ गते संसदीय सुनुवाइ भएको थियो। संसदीय सुनुवाइ समितिले बुधबार उनीहरूको नाम अनुमोदन गरेको थियो। राष्ट्रपति पौडेलले बुधबार नै सर्वोच्चको न्यायाधीश उनीहरूलाई नियुक्ति गरेका थिए।

न्याय परिषद्ले मंसिर ५ गते सर्वोच्चमा रिक्त ६ न्यायाधीशका लागि उनीहरूको नाम सिफारिस गरेको थियो।