तराईमा बिहानैदेखि हुस्सु, पहाडी भूभागमा आंशिक बदली

काठमाडौँ– नेपालमा उल्लेखनीय मौसमी प्रणाली नभएको मौसम पूर्वानुमान महाशाखाले जनाएको छ।

त्यसैले कोशी, बागमती र गण्डकीको पहाडी भूभागमा आंशिक बदली रही बाँकी स्थानको मौसम सफा रहेको छ। तराईको थोरै स्थानमा हुस्सु तथा कुहिरो लागेको छ।

दिउँसो कोशी र गण्डकी प्रदेशको पहाडी भूभागमा आंशिक बदली रहनेछ। बाँकी स्थानको मौसम सामान्यतया सफा रहने महाशाखाको अनुमान छ। 

यसैगरी, राति सुदूरपश्चिम र कर्णालीको पहाडी भूभागमा आंशिक बदली रहनेछ।

देशभरको तापक्रम घट्दो क्रममा रहेकाले चिसोबाट बच्न आवश्यक सावधानी अपनाउन महाशाखाले अनुरोध गरेको छ।