रुपेश कोइराला कोशी प्रदेशको मुख्य न्यायाधिवक्ता नियुक्त

विराटनगर– कोशी प्रदेशको मुख्य न्यायाधिवक्तामा अधिवक्ता रुपेश कोइराला नियुक्त भएका छन्।

मुख्यमन्त्री केदार कार्कीको सिफारिसमा प्रदेश प्रमुख पर्शुराम खापुङले आइतबार कोइरालालाई मुख्य न्यायाधिवक्ता नियुक्त गरेका हुन्। 

कोइरालालाई आइतबार नै उच्च अदालत विराटनगरका मुख्य न्यायाधीश रमेशप्रसाद राजभण्डारीले पद तथा गोपनीयताको शपथ गराउने प्रदेश प्रमुख कार्यालयका प्रवक्ता नरेन्द्र श्रेष्ठले बताए।

विराटनगर निवासी कोइराला प्रजातान्त्रिक कानून व्यवसायी संघ मोरङका पूर्वसभापति हुन्।