मनाङ (१) मा कांग्रेसका मुनिन्द्र विजयी

पोखरा– मनाङ (१) मा प्रदेशसभा सदस्य पदमा कांग्रेसका मुनिन्द्रजंग गुरुङ विजयी भएका छन्। १ हजार २५५ मत ल्याएर एमालेका राजन गुरुङलाई पराजित गर्दै मुनिन्द्र प्रदेशसभा सदस्य पदमा निर्वाचित भएका हुन्।

एमालेका गुरुङले ९२५ मत पाएका छन् भने मुनिन्द्रले ३३० मतान्तरले उनी निर्वाचित भएका छन्। मनाङ प्रदेशसभा १ मा २ हजार २१० मत खसेको थियो। त्यसमध्ये ६ मत बदर भएको निर्वाचन कार्यालयले जनाएको छ। 

प्रदेशसभा २ मा यसअघि नै राजीव गुरुङ उर्फ दीपक मनाङे सर्वसम्मत निर्वाचित भइसकेका छन्। प्रतिनिधिसभातर्फ टेकबहादुर गुरुङ र एमालेका पोल्देन छोपाङ प्रतिस्पर्धामा छन्।