महोत्तरी–जनकपुर रेलभित्र लडेर १ जनाको मृत्यु

लोहरपट्टी नगरपालिका–४ पिपराढीका ५० वर्षीय रामएकवाल पण्डितको रेलको बोगीभित्रै लडेर मृत्यु भएको प्रहरीले जनाएको छ।

उकालो

मंगलबार, २ माघ, २०८०

महोत्तरी–जनकपुर रेलभित्र लडेर १ जनाको मृत्यु

जनकपुर– महोत्तरीको विजलपुराबाट जनकपुर आउँदै गरेको रेलमा सवार एक यात्रुको मृत्यु भएको छ। 

मृत्यु हुनेमा लोहरपट्टी नगरपालिका–४ पिपराढीका ५० वर्षीय रामएकवाल पण्डित छन्। रेलमा सवार पण्डितको जनकपुर आउने क्रममा मंगलबार बिहान रेलको बोगीभित्रै मृत्यु भएको धनुषाका प्रहरी प्रवक्ता डीएसपी रञ्जन अवाले जानकारी दिए।

उनी बिहान ८ बजे लोहारपट्टीबाट रेलमा चढेका थिए। पण्डितको शव पोस्टमार्टमका लागि प्रादेशिक अस्पताल जनकपुरधाम पठाइएको छ।

रिपोर्ट आएपछि मृत्युको कारण प्रस्ट हुने धनुषा प्रहरीले जनाएको छ।

प्रतिक्रिया दिनुहोस !