यस्तो रहनेछ बुधबारको मौसम

काठमाडौँ– नेपालमा पश्चिमी वायुको आंशिक प्रभाव रहेको छ। 

जसका कारण पहाडी भूभागमा आंशिक बदली रहेको मौसम पूर्वानुमान महाशाखाले जनाएको छ। तराईमा हुस्सु र कुहिरो लागेको छ।

दिउँसो, कोशी, बागमती ,गण्डकी, कर्णाली र सुदूरपश्चिमका पहाडी भूभागमा आंशिकदेखि साधारणतया बदली रहनेछ।

कोशी, बागमती, गण्डकी, कर्णाली र सुदूरपश्चिमका पहाडी भूभागमा हल्का वर्षा हुने महाशाखाले जनाएको छ।  यी प्रदेशका उच्च पहाडी तथा हिमाली भूभागमा हिमपातसमेत हुने सम्भावना छ।

यसैगरी, कोशी, गण्डकी, कर्णाली र सुदूरपश्चिमका पहाडी भूभागमा राति पनि साधारणतया बदली रहनेछ। कोशी, गण्डकी र कर्णालीका उच्च पहाडी तथा हिमाली भूभागमा हिमपात हुनेछ।

साथै, चिसोबाट बच्न आवश्यक सतर्कता तथा सावधानी अपनाउन महाशाखाले अनुरोध गरेको छ।