तराईमा हुस्सु, उच्च पहाडमा हिमपातको सम्भावना

काठमाडौँ– नेपालमा पश्चिमी वायुको आंशिक प्रभाव रहेको छ। 

जसका कारण कोशी र गण्डकीको पहाडी भूभागमा आंशिकदेखि साधारणतया बदली रहेको छ। तराईको अधिकांश भूभागमा हुस्सु र कुहिरो लागेको छ।

दिउँसो, कोशी, गण्डकी र कर्णालीका पहाडी भूभागमा साधारणतया बदली रहने मौसम पूर्वानुमान महाशाखाले जनाएको छ। पहाडी भूभागका एक–दुई स्थानमा हल्का वर्षाको सम्भावना छ।

कोशी, बागमती, गण्डकी र कर्णालीका उच्च पहाडी तथा हिमाली भूभागमा हिमपातसमेत हुनेछ। 

यसैगरी, राति कोशी, गण्डकी र कर्णालीका पहाडी भूभागमा साधारणतया बदली रहनेछ। कोशी, बागमती,  गण्डकी र कर्णालीका उच्च पहाडी तथा हिमाली भूभागमा हिमपातसमेत हुने सम्भावना छ।

देशभर चिसो बढेकाले आवश्यक सतर्कता तथा सावधानी अपनाउन महाशाखाले अनुरोध गरेको छ।