सुदूरपश्चिमका ५ क्षेत्रमा कांग्रेस तथा एमाले र नागरिक उन्मुक्ति ३ क्षेत्रमा अगाडि

काठमाडौँ - सुदूरपश्चिमका १६ निर्वाचन क्षेत्रमध्ये अहिले १४ निर्वाचन क्षेत्रको मतगणना जारी छ। 

पछिल्लो प्राप्त मत परिणाम अनुसार १४ मध्ये कैलालीका ३ निर्वाचन क्षेत्रमा नागरिक उन्मुक्ति पार्टीले अग्रता लिएको छ। 

नेपाली कांग्रेसले-५ वटा निर्वाचन क्षेत्रमा अग्रता लिएको छ। डडेलधुरा, दार्चुला, अछाम २, कञ्चनपुर-२ र ३ मा कांग्रेसले अग्रता लिइरहेको हो। नेकपा एमालेले भने ३ वटा क्षेत्रमा अग्रता लिइरहेको छ। 

 कैलाली ५ मा भर्खरै मतगणना शुरू भएकोले प्रारम्भिक मत परिणाम आइसकेको छैन। 

नागरिक उन्मुक्ति पार्टीले कैलाली १, २ र ३ मा अग्रता लिएको छ। भने नेपाली कांग्रेसले डडेलधुरा, दार्चुला, कञ्चनपुर २ र ३ तथा अछाम २ मा अग्रता लिइरहेको छ। 

त्यस्तै, नेकपा एमालेले कैलाली-४, बैतडी र कञ्चनपुर-१ मा अग्रता लिइरहेको छ।

बाजुराको केही मतदान केन्द्रमा मतदान नै स्थगित भएकाले त्यहाँ पुनः मतदान भएपछि गणना शुरू हुने छ भने बझाङमा साँझबाट मात्रै मतगणना शुरू हुने छ। 

विकट क्षेत्रमा केन्द्रका मतपेटिका आज बिहान मात्र आइपुगेकाले मतगणनामा ढिलाइ भएको हो।