तनहुँ-१ मा पछाडि परे कांग्रेसका रामचन्द्र पौडेल

काठमाडौँ– प्रतिनिसभा सदस्य निर्वाचनअन्तर्गत जारी मतगणनामा तनहुँ- १ मा नेपाली कांग्रेसका रामचन्द्र पौडेल पछाडि परेका छन्।

ताजा मतपरिणामअनुसार उनलाई एमालेका एकबहादुर रानाले १३२ मतान्तरले पछि पारेका हुन्।

कुल ९ हजार ७५६ मत गन्दा एमालेका रानाले ३ हजार ३४२ मत ल्याएका छन् भने कांग्रेसका पौडेलले ३ हजार २१० मत पाएका छन्।

त्यस्तै, राष्ट्रिय स्वतन्त्र पार्टीका विकास सिग्देल १ हजार २९० मतसहित तेस्रो स्थानमा छन्। यहाँ राप्रपाका विनोदकुमार घर्तीले ५२२ मत ल्याएका छन्।