यस्तो रहनेछ सोमबारको माैसम

काठमाडाैँ– देशको पहाडी भूभागमा आंशिक बदली रही बाँकी भागमा माैसम सफा रहेको छ। 

अहिले तराईका अधिकांश स्थानहरूमा हुस्सु र कुहिरो लागेको माैसम पूर्वानुमान महाशाखाले छ। महाशाखाका अनुसार सोमबार दिनभर केही क्षेत्रमा आंशिकदेखि साधारणतया बदली रही बाँकी भेगमा मौसम सफा रहनेछ।

राति भने कोशी, बागमती, गण्डकी र कर्णाली प्रदेशको उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको छ। 

हुस्सु तथा कुहिरोका कारण तराईको दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकोले त्यसबाट हुन सक्ने असरका साथै चिसोबाट समेत बच्न आवश्यक उपायहरू तथा सतर्कता अपनाउन माैसम पूर्वानुमान महाशाखाले आग्रह गरेको छ।

महाशाखाका अनुसार हाल नेपालमा पश्चिमी वायुको आंशिक प्रभाव रहेको छ।