काठमाडौँ–८ (१) मा शैलेन्द्रमान बज्राचार्य निर्वाचित

काठमाडौँ– काठमाडौँ–८ (१) बाट हाम्रो नेपाली पार्टी (लौरो) का शैलेन्द्रमान बज्राचार्य निर्वाचित भएका छन्। उनी ५ हजार ४६२ मतसहित निर्वाचित भएका हुन्।

उनका प्रतिद्वन्द्वी नेकपा एमालेका राजेश शाक्यले ३ हजार ८१० मत प्राप्त गरेका छन्। त्यस्तै, सत्ता गठबन्धनबाट उम्मेदवार रहेका राजुराज जोशीले ३ हजार ६७० मत प्राप्त गरे। 

यस क्षेत्रबाट बज्राचार्यको जितसँगै हाम्रो नेपाली पार्टीको प्रदेशसभाका प्रवेश भएको छ। यसअघि २०७४ प्रदेशसभाको निर्वाचनमा एमालेका राजेश शाक्य निर्वाचित भएका थिए।