देशभरको मौसममा बदली, सोमबारदेखि सुधार हुँदै जाने

काठमाडौँ– पश्चिमी वायुसँगै आउने पश्चिमी न्यूनचापीय प्रणालीका कारण देशभरको मौसममा बदली भएको छ।

सो मौसम प्रणालीका कारण आइतबार बागमती, लुम्बिनी र गण्डकी प्रदेशका केही स्थानमा हल्का वर्षा भइरहेको जल तथा मौसम विज्ञान विभागअन्तर्गतको मौसम पूर्वानुमान महाशाखाले जनाएको छ।

आइतबार दिउँसोसम्मको तथ्यांकअनुसार कोशी प्रदेशको तराई क्षेत्रमा मात्र मौसम सफा रहेको छ भने साधारणतया बाँकी स्थानको मौसम बदली रहेको छ।

विगत २४ घण्टामा सुदूरपश्चिम, कर्णाली, लुम्बिनी, गण्डकी र बागमती प्रदेशका केही स्थानमा हल्कादेखि मध्यम वर्षा भएको महाशाखाका मौसमविद् गंगा नगरकोटीले जानकारी दिइन्। सोमबार साँझदेखि क्रमशः मौसममा सुधार हुँदै जाने उनले बताइन्।