नेप्सेमा सामान्य अंकको सुधार, २०९०.६४ को विन्दुमा कायम

काठमाडौँ– नेपाल स्टक एक्सचेन्ज नेप्से परिसूचकमा सामान्य अंकको सुधार देखिएको छ। बुधबार नेप्से परिसूचक ४.९२ अंकले बढेर २ हजार ९०.६४ को विन्दुमा कायम भएको हो।

आज विभिन्न ३१३ कम्पनीका ७७ लाख ३२ हजार २४ कित्ता शेयर ६५ हजार ४६३ पटक खरिदबिक्री हुँदा २ अर्ब ८४ करोड २५ लाख ५० हजार २३७ रुपैयाँ बराबरको कारोबार भएको छ।

वित्त समूह ०.०४, उत्पादन तथा प्रशोधन समूह ०.१७, निर्जीवन बीमा समूह ०.३९, व्यापार समूह शून्य दशमलव १२ र अन्य समूह १.५३ प्रतिशतले घटेको छ। 

आजको कारोबारमा सबैभन्दा बढी होटल तथा पर्यटन समूह १.५० र जीवन बीमा समूह १.२९ प्रतिशतले बढेको छ। त्यस्तै, बैंकिङ समूह ०.२६, विकास बैंक समूह ०.३०, जलविद्युत् समूह ०.९४, लगानी समूह ०.४० र म्युचुअल फन्ड ०.४२ प्रतिशतले बढेको छ।

गुराँस लघुवित्त वित्तीय संस्था लिमिटेड, समाज लघुवित्त वित्तीय संस्था लिमिटेड, बुद्धभूमि नेपाल हाइड्रोपावर कम्पनी लिमिटेड र इस्टर्न हाइड्रोपावर लिमिटेडको शेयर मूल्यमा सकारात्मक सर्किट लागेको छ। सबैभन्दा धेरै गुमाउनेमा भने एनसीसी डिभेन्चर–२०८६ ५.२५ प्रतिशतले घटेको छ।

कारोबार रकम र कारोबार भएका शेयर सङ्ख्याका आधारमा हिमालयन रिइन्स्योरेन्स लिमिटेडको २४ करोड ८२ लाख ६८ हजार ३८ रुपैयाँ बराबरको ३ लाख ५४ हजार २५८ कित्ता शेयर किनबेच भएको छ।