एसीसी महिला प्रिमियर कप: नेपालसँग हङकङ ८ विकेटले पराजित

काठमाडौँ– एसीसी महिला प्रिमियर कपको पहिलो खेलमा नेपालसँग हङकङ ८ विकेटले पराजित भएको छ।

९४ रनको विजयी लक्ष्य नेपालले १४.१ ओभरमा २ विकेट गुमाउँदै भेट्टायो। नेपालका लागि कप्तान ईन्दु बर्माले सर्वाधिक ४० रनको योगदान दिइन्। 

उनले ३३ बलमा ३ चौका र १ छक्का प्रहार गरिन्। सीता राना मगर ३६  रनमा नटआउट रहिन्। उनले ३८ बलमा १ छक्का र १ चौका प्रहार गरिन्।

कविता कुँवरले ४ रन बनाइन्। हङकङका इक्रा सहर र बेट्टी चानले समान १–१ विकेट लिए। 

त्यसअघि लेसियाको सेलांगोर टर्फ क्लबमा टस हारेर पहिले ब्याटिङ गरेको हङकङले निर्धारित २० ओभरमा ८ विकेट गुमाउँदै ९३ बनाएको थियो। 

हङकङका क्यारी चानले सर्वाधिक २१ रन बनाइन्। मर्यम बिबीले १९, यास्मिन दस्वानीले १५ तथा नताशा माइल्सले ११ रनको योगदान दिइन्। 

नेपालका रुबिना क्षत्री र पुजा महतोले समान २–२ तथा सीता राना मगर र कविता जोशीले १–१ विकेट लिए।