एक खेलअगावै नेपालले जित्यो क्यानडाविरुद्धको शृंखला

पहिलो खेलमा ७ रनले विजयी भएको नेपालले दोस्रो खेलमा क्यानडालाई ४ विकेटले पराजित गर्दै एक खेलअगावै तीन एकदिवसीय शृंखला जितेको छ।

उकालो

शनिबार, २७ माघ, २०८०

एक खेलअगावै नेपालले जित्यो क्यानडाविरुद्धको शृंखला

काठमाडौँ– नेपालले क्यानडाविरुद्धको तीन एकदिवसीय शृंखला एक खेलअगावै आफ्नो पक्षमा पारेको छ। शनिबार भएको दोस्रो खेलमा नेपालले क्यानडालाई ४ विकेटले पराजित गर्दै शृंखला जितेको हो। नेपालले पहिलो खेलमा क्यानडाविरुद्ध ७ रनको रोमाञ्चक जित हात पारेको थियो।

क्यानडाले दिएको २८६ रनको लक्ष्य नेपालले २९ बल बाँकी छँदै ६ विकेट गुमाएर पूरा गर्‍यो। नेपालका लागि कप्तान रोहित पौडेलले सर्वाधिक उच्च स्कोर बनाए। उनले १०१ बल खेल्दै ८ चौका र ४ छक्काको मद्दतमा उनले ८७ रन बनाए।

देव खनालले ७६ रन बनाए। उनले ८१ बलमा ७ चौका र २ छक्का प्रहार गरे। अनिल साहले २० बलमा ७ चौका र ३ छक्का प्रहार गर्दै ५० रन बनाएर आउट भए। भीम सार्कीले २३ र पवन सराफले १४ रन बनाए।

May be an image of 1 person and text

क्यानडाका लागि हार्श र ईश्वरजोत सोहीले २/२ विकेट लिए। सयाद बिन जाफर र दिलप्रीत बज्वाको नाममा समान १/१ विकेट रह्यो।

कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ रोजेको क्यानडाले निर्धारित ५० ओभरमा ९ विकेट गुमाउँदै २८५ रन जोड्यो। क्यानडाका लागि ओपनर आरोन जोन्सनले सर्बाधिक ६५ रन जोडे। उनले ६२ बलमा १० चौका र २ छक्का प्रहार गरे।

नवनित धलिवालले  ४६, श्रेयश मोभ्वाले ४०, पर्गत सिंहले ३८, निकोलस कीर्तन र उदय भगवान्ले समान २०/२० रन जोडे। दिलप्रीत बज्वाले १९ तथा शाहिद अहमदजाइलाई १३ रन बनाए।

नेपालका लागि कप्तान रोहित पौडेल र कुशल मल्लले समान २/२ विकेट लिए। सोमपाल कामी, सूर्य तामाङ, आकाश चन्द र पवन सर्राफको नाममा १/१ विकेट रह्यो।

प्रतिक्रिया दिनुहोस !