कतार लगातार दोस्रो पटक एशियन कप च्याम्पियन

काठमाडौँ– अक्रम अफिफले ह्याट्रिक गरेपछि कतार लगातार दोस्रो पटक एएफसी एशियन कप च्याम्पियन बनेको छ। 

शनिबार राति भएको फाइनलमा जोर्डनलाई ३–१ ले पराजित गर्दै घरेलु टोली च्याम्पियन बनेको हो।

कतारलाई उपाधि दिलाउन अक्रम अफिफले ह्याट्रिक पूरा गरे। उनले सबै गोल पेनाल्टीमार्फत गरेका थिए। 

अफिफले खेलको २२औँ, ७२औँ र इन्जुरी समयको पाँचौँ मिनेटमा पाएको पेनाल्टीमा गोल गरेका थिए। जोर्डनका यजान अल–नैमातले ६७औँ मिनेटमा एक गोल फर्काए। कतार इरानलाई हराउँदै फाइनलमा पुगेको थियो। 

यसअघि सन् २०१९ मा कतारले जापानलाई हराउँदै पहिलो पटक उपाधि जितेको थियो।