कपिलवस्तुमा बस दुर्घटना: १० जनाको मृत्यु, ३० घाइते

कपिलवस्तु– कपिलवस्तुको शिवराज नगरपालिका–१ सुरही पुल नजिकै यात्रुवाहक बस दुर्घटना हुँदा १० जनाको  मृत्यु भएको छ। कञ्चनुपरको महेन्द्रनगरबाट काठमाडौँ जाँदै गरेको सुनौलो महाकाली यातायातद्वारा  सञ्चालित सु–प– प्र–०२–००१ ख ००९८ नम्बरको बस बिहीबार बिहान  सडकबाट २०० मिटर तल खसेको थियो।

दुर्घटनामा १० जनाको घटनास्थलमै मृत्यु भएको जिल्ला प्रहरी कार्यालय कपिलवस्तुले जनाएको छ। मृतकको विवरण (पहिचान) आइसकेको छैन। कार्यालयका प्रमुख एसपी नवरत्न पौडेलका अनुसार  दुर्घटनामा ३० जना घाइते भएका र तीमध्ये नौ जनालाई बुटवल ‘रिफर’ गरिएको छ। अन्यको सञ्जीवनी र आधारभूत अस्पतालमा उपचार भइरहेको पौडेलले बताए।