ताप्लेजुङबाट एमालेका योगेश भट्टराई विजयी

काठमाडौँ– नेकपा एमालेका योगेश भट्टराई ताप्लेजुङबाट विजयी भएका छन्। 

निकटतम प्रतिद्वन्द्वी माओवादी केन्द्रका खेलप्रसाद बुढा क्षेत्रीलाई २०८ मतान्तरले पराजित गर्दै भट्टराई विजयी भएका हुन्। 

मतगणनाको शुरूआतदेखि अघि रहेका माओवादी केन्द्रका बुढा क्षेत्री अन्तिम चरणमा पराजित भए।

भट्टराई ताप्लेजुङबाट २०७४ सालको निर्वाचनमा १२ हजार मत अन्तरमा विजयी भएका थिए।

केपी ओली नेतृत्वको सरकारमा संस्कृति तथा नागरिक उड्डयनमन्त्री रहेका भट्टराई ओलीले संसद् विघटन गरेपछि राजीनामा दिएर सरकारबाट बाहिरिएका थिए।