धादिङमा बस र ट्रक ठोक्किँदा २० जना घाइते

मलेखु– पृथ्वी राजमार्गअन्तर्गत धादिङको बेनिघाट रोराङ गाउँपालिका–३ हिलटप मोडमा बस र ट्रक एकापसमा ठोक्किँदा २० जना घाइते भएका छन्। घाइतेमध्ये तीन जनाको अवस्था गम्भीर छ। 

काठमाडौँबाट तीर्थयात्री बोकेर चितवनतर्फ गइरहेको बस र विपरीत दिशाबाट आइरहेको ट्रक हिलटप मोडमा ठोक्किँदा दुर्घटना भएको धादिङका डीएसपी सन्तुलालप्रसाद जैसवारले जानकारी दिए।

घाइतेको मलेखुस्थित राजमार्ग अस्पताल र मलेखु टिचिङ अस्पतालमा उपचार भइरहेको छ। घाइतेको विवरण भने आउन बाँकी छ। बसमा ३० जना तीर्थयात्री सवार रहेको प्रहरीले जनाएको छ।