थापाथलीको प्रसूति अस्पतालबाट नवजात शिशु चोरी

काठमाडौँ– काठमाडौँको थापाथलीस्थित परोपकार प्रसूति तथा स्त्री रोग अस्पतालबाट नवजात शिशु (बालिका) हराएको छ। काभ्रेपलान्चोकको चौरी देउराली गाउँपालिका–३ घर भई हाल काठमाडौँको कपन बस्दै आएकी २२ वर्षीया सबिना श्रेष्ठले आफ्नो शिशु चोरी भएको भन्दै मौखिक सूचना दिएको जिल्ला प्रहरी परिसर काठमाडौँका प्रवक्ता तथा प्रहरी उपरीक्षक नवराज अधिकारीले जानकारी दिए। “सविना श्रेष्ठले आफ्नो बच्चा चोरी भएको भन्दै मौखिक रूपमा प्रहरीकहाँ खबर गर्नुभएको छ, यस विषयमा अनुसन्धान भइरहेको छ,” उनले भने। नवजात शिशु चोरी भएको भन्ने खबर आएपछि खोजीकार्यका लागि प्रहरी टोली खटिएको जिल्ला प्रहरी परिसर काठमाडौँले जनाएको छ।

उकालो