पश्चिमी वायुको प्रभाव: देशका विभिन्न भूभागमा वर्षा र हिमपातको सम्भावना

काठमाडौँ– नेपालमा पश्चिमी वायूको प्रभाव रहेको छ। जसका कारण सुदूरपश्चिम, कर्णाली, लुम्बिनी, गण्डकी, बागमती र कोशीमा आंशिकदेखि साधारणतया बदली रहेको छ। बाँकी स्थानको मौसम मुख्यतया सफा रहेको छ।

दिउँसो सुदूरपश्चिम, कर्णाली, लुम्बिनी र गण्डकीमा साधारणतया बदली रहने मौसम पूर्वानुमान महाशाखाले जनाएको छ। बागमती तथा कोशीका पहाडी भूभागमा आंशिकदेखि साधारणतया बदली रहेको छ।

सुदूरपश्चिम, कर्णाली, लुम्बिनी र गण्डकीका पहाडी भूभागमा हल्कादेखि मध्यम वर्षा हुनेछ। सुदूरपश्चिम, कर्णाली र गण्डकीको उच्च पहाडी तथा हिमाली भूभागमा हल्कादेखि मध्यम हिमपातको सम्भावना छ।

यसैगरी, राति देशभर साधारणतया बदली रहने छ। सुदूरपश्चिम, कर्णाली, गण्डकी, लुम्बिनी, बागमती र कोशीका केही स्थानमा हल्कादेखि मध्यम वर्षा हुने महाशाखाले जनाएको छ। 

सुदूरपश्चिम, कर्णाली, गण्डकी र बागमतीको उच्च पहाडी तथा हिमाली भूभागमा हल्कादेखि मध्यम हिमपातको सम्भावना छ।