हङकङले नेपाललाई दियो २१३ रनको लक्ष्य, आकाशले लिए ३ विकेट

काठमाडौँ– मैत्रीपूर्ण टी२० आईमा घरेलु टोली हङकङले नेपाललाई २१३ रनको लक्ष्य दिएको छ। 

हङकङले २० ओभरमा ६ विकेट गुमाएर २१२ रन बनायो। हङकङका बाबर हायातले ११० रनको शतकीय इनिङ्स खेले। उनले ४९ बलमा ३ चौका र १३ छक्का प्रहार गरे। 

मार्टिन कोट्जीले २१ बलमा ५ चौका र १ छक्कासहित ३१ रन जोडे। अंशुमन रथले ३२ बलमा ३ चौका र २ छक्कासहित ३९ रन बनाए। 

नेपालका आकाश चन्दले ३ तथा आरिफ शेख, प्रतिश जिसी र राशीदले खान १–१ विकेट लिए।